მოვინახულებთ ადგილებს რომლებიც ყველა სეზონზე ულამაზესია. ამის შემდგომ ჩვენს ეკო-ტურს აგრო ელემენტებით გავამდიდრებთ და ვეწვევით ადგილობრივ მეღვინეობას, რომელიც მთლიანადაა ჩაფლული სიმწვანეში.
აჭარა მრავალფეროვანი რეგიონია. მართალია ის უფრო მეტად ზღვის სანაპიროებითაა ცნობილი, აქაური მთის ფლორა და ფაუნა ტოლს არ უდებს არც-ერთ სხვა რეგიონს. ამიტომაც გვინდა წაგიყვანოთ გამორჩეულ ადგილებში სადაც განიტვირთებით, აღმოაჩენთ ბიომრავალფეროვნებას, დატკბებით სილამაზით და სიმშვიდით, რომელიც სულ უფრო იშვიათი ხდება დიდ ქალაქებში.
ბერიძეების ღვინის მარანი მშვენიერი აგრო ტურისტული ადგილია. საოჯახო მეღვინეობა გთავაზობთ პატარა ღვინის ტურს, ექვსი სახეობის ღვინისა და ჭაჭის დეგუსტაციას და კულინარიულ მასტერკლასებს. დეგუსტაცია შემეცნებითი და სახალისოა. ყველა სიტყვაში შეატყობთ, როგორ უყვართ მასპინძლებს თავაანთი საქმე. ღვინოსთან ერთად, დააგემოვნებთ 5 სახეობის ყველს, ჩირის და მურაბის ასორტს.
მეღვინეობა წყნარ და ლამაზ ადგილას მდებარეობს - მთლიანად გარშემორტყმულია ბუნებით, რომელიც ულამაზესია და ამშვიდებს ადამიანის გონებას.
დეგუსტაციის შემდეგ ისწავლით აჭარული ხაჭაპურის, ყაისაფას და ჩურჩხელის მომზადებას, რომლებსაც ჭიქა ღვინოსთან ერთად მიირთმევთ, მეგობრულ, ლამაზ გარემოში.
- ტრანსპორტაცია
- ღვინის დეგუსტაცია
- მასტერკლასი
- დამატებითი სერვისები მტირალას ეროვნულ პარკში::
- ზიპლაინი - 15 ლარი
- თოკების პარკი - 15 ლარი (საოჯახო ზონა), 20 ლარი (ზონა ზრდასრულებისთვის)