ჯგუფური ტური: გორი, უფლისციხე, ბორჯომი

chevron_left

chevron_right

ამ ტურის ფარგლებში საშუალება მოგეცემათ ნახოთ რამდენიმე ისტორიულად და კულტურულად მნიშვნელოვანი ადგილი ერთ დღეში.

რას ვნახავთ:

• უფლისციხე: კლდეში ნაკვეთი კომპლექსი რომელიც ჩვენს წელთაღრიცხვადმდე 2-1 საუკუნით თარიღდება. ის წარმოადგენდა ელინისტურ და გვიანი ანტიკური პერიოდში მნიშვნელოვან კულტურულ, რელიგიურ და პოლიტიკურ ცენტრს. დღესდღეობით მნახველებს შეუძლიათ დაათვალიერონ ანტიკური ქუჩები, კლდეში ნაკვეთი თეატრები, წარმართული და ქრისტიანული ეკლესიები, სამეფო დარბაზი და აქ ოდესღაც მაცხოვრებელთა დამზადებული თიხის ჭურჭლები - ვიზიტი ნამდვილი მოგზაურობაა წარსულში.
• იოსებ სტალინის სახლ-მუზეუმი გორში: ვიზიტით უფრო ახლოს გავიცნობთ მეოცე საუკუნის ერთ-ერთ ყველაზე ცნობილ ისტორიულ ფიგურას, ვნახავთ მის ვაგონს, დაბადების ადგილს, ხელნაწერებს და დოკუმენტაციას, ფოტოებს და სტატიებს გაზეთებიდან რომლებიც სტალინზე და მის ეპოქაზე მოგვითხრობენ. აქვე ვნახავთ მის ძეგლს, რომელიც 2010 წლამდე გორში იდგა.
• ბორჯომი საკურორტო ქალაქია სამხრეთ საქართველოში, რომელიც ბორჯომ-ხარაგაულის ეროვნულ პარკს ესაზღვრება. ქალაქი ცნობილია მინერალური წყლებით, რომელიც ქვეყნის ერთ-ერთი მთავარი საექსპორტო პროდუქტია. დამსვენებლებისთვის ადგილი იდეალურია, სიმწვანე არც ქალაქის ცენტრს აკლია, სადაც ლამაზი პარკია გაშენებული და ცნობილი წყლის გასინჯვა შეგიძლიათ.