ეწვიეთ კახეთის რეგიონს, გაიცანით მისი ისტორია. დააგემოვნეთ აქ დამზადებული ღვინოები, ჭაჭა. გაიგეთ როგორ მზადდება ღვინო დიდ საწარმოში და ოჯახურ მარანში. ისიამოვნეთ სადილით ულამაზეს ეზოში საიდანაც კავკასიონის ხედები მოჩანს.
ჩვენი პირველი გაჩერება ალექსანდრე ჭავჭავაძის სახლ-მუზეუმია წინანდალში. აქ გაშენებულ ევროპულ პარკში შეხვდებით სხვადასხვა ქვეყნიდან ჩამოტანილ ეგზოტიკურ მცენარეებს და სიყვარულის ხეივანს - ლეგენდის თანახმად, თუკი შეყვარებული წყვილი ხეივანს თვალდახუჭული გაივლის მათი სიყვარული ბედნიერი იქნება. რაც უფრო საინტერესოა, აქაა ღვინის საცავი - ეს 1835 წელს აშენებული ერთ-ერთი პირველი მარანია საქართველოში, სადაც ბოთლში ჩამოისხა ღვინო.
ჩვენ ვეწვევით კახეთის ერთ-ერთ გამორჩეულ მეღვინეობას სადაც მასპინძლები ხანმოკლე ტურს მოგვიწყობენ თავის ღვინის მუზეუმში, რის შემდეგაც დავაგემოვნებთ კლასიკურ ღვინოებს.
შემდეგი გაჩერება თელავია. აქ ვნახავთ ბატონის ციხეს - ერეკლე II-ის სასახლეს. სამუზეუმო კომპლექსში შედის ერეკლეს დაარსებული ფილოსოფიური სკოლის ნაშთები, აბანო; მუზეუმში დაცულია ნუმიზმატიკური მასალა, სარკოფაგები, ხელნაწერები, სამოსელის კოლექციები და მრავალი სხვა საინტერესო ექსპონატი.
მცირე ისტორიული ექსკურსის შემდეგ ყვარელში გადავინაცვლებთ, ოჯახური ტიპის მეღვინეობაში სადაც განსაკუთრებულად თბილი აურა და კომფორტული გარემო დაგხვდებათ. აქ გელოდებათ სამნაირი ღვინისა და ჭაჭის დეგუსტაცია სადილთან ერთად.
თბილისში ბევრი სასიამოვნო შთაბეჭდილებითა და ახალი ცოდნით დავბრუნდებით.
- ტრანსპორტაცია - მძღოლი გამოგივლით და წაგიყვანთ ტურზე, დასრულების შემდეგ კი დაგტოვებთ იმავე მისამართზე.
- მძღოლი
- ტრადიციული სადილი მეღვინეობაში
- ღვინის დეგუსტაცია (სურვილისამებრ)
- ალ. ჭავჭავაძის სახლ-მუზეუმის და ერეკლეს ციხის ბილეთის ფასები
- გიდი
- ტური ინდივიდუალურია. მონაწილეთა მინიმალური რაოდენობაა 1, მაქსიმალური - 8
- ხანგრძლივობა: 9-10 საათი
- თარიღები: ყოველ დღე
- მონაწილეობა არაა შეზღუდული ასაკით, ღვინის დეგუსტაცია - 18 წლიდან
ბილეთების ფასები:
ალექსანდრე ჭავჭავაძის სახლ-მუზეუმის ბილეთის ფასი: 10 ლარი. ერეკლე II-ის სასახლის ბილეთის ფასი: 5 ლარი